کراچی، 24 اپریل 2026: نیشنل بینک آف پاکستان (این بی پی) نے شیخ زائد ہسپتال، لاہور کو QR کی بنیاد پر مریضوں کے بلوں کی وصولی کے نظام میں کامیابی سے شامل کرلیا ہے۔ یہ پیش رفت این بی پی کی ڈیجیٹل ادائیگیوں اور کیش لیس ٹرانزیکشنز کو فروغ دینے کی حکمت عملی کی جانب ایک اہم قدم ہے۔
اس اقدام کی قیادت فرحان درانی، ایس وی پی ڈیجیٹل بینکنگ گروپ نے کی، جس پر علی صاحبزادہ، برانچ منیجر شیخ زائد برانچ نے دستخط کیے، جبکہ لاہور ایسٹ ریجن کی ٹیم بھی اس موقع پر شریک تھی۔ فاروق چوہدری، ای وی پی آر ای لائبیلیٹیز لاہور ایسٹ اور حیدر مسعود، او جی آئی کوآرڈینیٹر، شیخ زائد برانچ این بی پی بھی معاہدے کی تقریب میں موجود تھے۔ شیخ زائد ہسپتال کی جانب سے ڈاکٹر مونا عزیز گیلانی، ایگزیکٹو ڈائریکٹر نے دستخط کیے۔ اس موقع پر ان کی معاون ٹیم بھی موجود تھی۔
اس تعیناتی کے نتیجے میں مریض اب QR POS کے ذریعے فوری اور محفوظ کیش لیس ادائیگیاں کرسکیں گے، جس سے سہولت میں نمایاں بہتری آئے گی۔ اس کے ساتھ ساتھ ہسپتال کو منظم وصولیوں، نقد رقم کے کم استعمال اور بہتر مفاہمت جیسے فوائد حاصل ہوں گے۔
یہ پیش رفت ہماری ٹیموں اور برانچ نیٹ ورک کی اُن کوششوں کا عکاس ہے جو اہم اداروں میں QR اپنانے کی حوصلہ افزائی کے لیے کی جارہی ہیں۔
