امریکی کمپنی بوئنگ اور ذیلی کمپنی ملینیم اسپیس سسٹمز نے خلائی سفر اور سیٹلائٹ کی پیداوار میں اضافے کا اعلان کیا ہے۔
ایل سیگونڈو، کیلیفورنیا، 16 اپریل 2026 — بوئنگ اور اس کی ذیلی کمپنی ملینیم اسپیس سسٹمز اپنی خلائی پیداوار کی صلاحیت کو بڑھا رہے ہیں اور اپنے سیٹلائٹ پورٹ فولیو کو وسیع کر رہے ہیں تاکہ سرکاری اور تجارتی صارفین کو زیادہ تیزی اور لچک کے ساتھ سہولیات فراہم کی جا سکیں۔
بوئنگ اور ملینیم اسپیس سسٹمز پیداوار میں اضافہ کرتے ہوئے اپنے مشترکہ سیٹلائٹ پورٹ فولیو کو وسعت دے رہے ہیں تاکہ موجودہ وعدوں کو پورا کیا جا سکے اور دفاعی و تجارتی منڈیوں میں بڑھتی ہوئی طلب کا جواب دیا جا سکے۔
اس کوشش میں ایک نیا درمیانی درجے کا سیٹلائٹ پلیٹ فارم شامل ہے۔ جو ان مشنز کے لیے تیار کیا گیا ہے جنہیں روایتی چھوٹے سیٹلائٹ سے زیادہ صلاحیت درکار ہوتی ہے۔ جبکہ یہ عام بڑے سیٹلائٹ پروگرامز کے مقابلے میں زیادہ رفتار اور لچک فراہم کرتا ہے۔
بوئنگ اور ملینیم مل کر اپنی مشن مہارت، پے لوڈ ایکسپرٹیز اور تیز رفتار پیداوار کو یکجا کر رہے ہیں تاکہ صارفین کو عملی اور مؤثر حل فراہم کیے جا سکیں۔
یہ دوہرا طریقہ کار دفاعی اور تجارتی خلائی منڈیوں میں بڑھتی ہوئی طلب کو پورا کرنے کے لیے ترتیب دیا گیا ہے، جہاں ایسے نظام درکار ہیں جو زیادہ مؤثر طریقے سے اسکیل ہو سکیں، مشن کی ضروریات کے مطابق ڈھل سکیں اور تصور سے مدار تک تیزی سے پہنچ سکیں۔
بوئنگ کی پے لوڈ اور مشن مہارت کو ملینیم کے تیز رفتار پیداواری ماڈل اور معیاری مصنوعات کے ساتھ ملا کر ٹیمیں پیداوار میں اضافہ کر رہی ہیں اور صارفین کے لیے مشن کے لیے تیار آپشنز کی رینج کو وسیع کر رہی ہیں۔
بوئنگ اسپیس، انٹیلیجنس اینڈ ویپن سسٹمز کی نائب صدر اور جنرل منیجر کے سیئرز نے کہنا تھا کہ بوئنگ اپنی خلائی کاروباری حکمت عملی کو اس مارکیٹ کے مطابق ترتیب دے رہا ہے۔ کیونکہ یہ تیزی سے آگے بڑھ رہی ہے اور زیادہ لچک کا تقاضا کر رہی ہے۔ اس کا مطلب ہے پیداوار میں اضافہ، آلات اور خلائی پلیٹ فارمز کی ذیادہ اقسام کو تیار کرنا ہے تاکہ صارفین کو زیادہ آپشنز فراہم کیئے جاسکیں۔
اس سال بوئنگ 26 سیٹلائٹس کی خلاء میں ترسیل کا ہدف رکھتا ہے۔ اس لئے وہ اپنی خلائی مصنوعات کی پیداوار میں اضافہ کر رہا ہے۔ اس پیداواری توجہ کو معیاری مصنوعات، دہرائے جانے والے مینوفیکچرنگ طریقوں اور بوئنگ اور ملینیم کے درمیان انضمام کے ذریعے سپورٹ کیا جا رہا ہے۔
نیا پلیٹ فارم زیادہ جدید ایویونکس اور مدار میں آزمودہ ٹیکنالوجی کا حامل ہے۔ اور مختلف مداروں میں کمیونیکیشن، سینسنگ اور دیگر مشنز کے لیے زیادہ قابلِ موافقت حل فراہم کرتا ہے۔
ملینیم اسپیس سسٹمز کے سی ای او ٹونی گنگِس کا کہنا تھا کہ یہ صرف ایک پروڈکٹ سے بڑھ کر ہے۔ ہم ایسی پیداواری صلاحیت، مشترکہ آرکیٹیکچر اور اسکیل ایبل انفراسٹرکچر تیار کر رہے ہیں جو بڑھتی ہوئی طلب کو پورا کر سکے، جبکہ ہم اپنے موجودہ منصوبوں کی بروقت تکمیل پر بھی توجہ مرکوز رکھے ہوئے ہیں۔
ملینیم اپنی پیداوار بڑھاتا جا رہا ہے تاکہ بڑھتے ہوئے آرڈرز اور مختلف صارفین کی ضروریات کو پورا کیا جا سکے۔ کمپنی کا پیداواری ماڈل تیز رفتار مینوفیکچرنگ کو سپورٹ کرتا ہے جبکہ مخصوص مشنز کے لیے خلائی جہاز کو حسب ضرورت تیار کرنے کی لچک بھی برقرار رکھتا ہے۔
60 سال سے زائد سیٹلائٹ تجربے کے ساتھ، بوئنگ خلائی ٹیکنالوجی، پیداواری صلاحیت اور مشن آرکیٹیکچر میں سرمایہ کاری جاری رکھے ہوئے ہے تاکہ صارفین کو بدلتے ہوئے ماحول میں اپنی صلاحیتوں کو تعینات، چلانے اور ترقی دینے میں مدد فراہم کی جا سکے۔
